Живеете во светска метропола, а имате  чувство дека живеете на планина, во шума, такво е доживувањето ако сте во  Вашингтон. Кога ќе се спомене   Вашингтон, веднаш мислите на Белата куќа, метропола  со  амбасади и дипломатски претставништва, па некако нормално е да се очекува многу асфалт и бетон. Но, напротив,  Вашингтон е град сместен во прекрасни шумски предели низ кои минува реката Патомак со идилични и прекрасни патеки за велосипеди и пешаци ,затоа и многу често заборавате дека сте во градот на Белата куќа. Ова го вели Елеонора Младенова, Македонка, која живее во престолнината на Америка, град, кој е често место на мапата на  туристи од целиот свет. Токму Белата куќа го прави овој град сериозен, но, како што вели Елеонора, кога  прв пат ќе стапнете во него веднаш сте збунети.

Град на паркови и шуми

-Едно очекуваш а се среќаваш со сосема нешто друго.  Толку сликата за Вашингтон се менува што е нормално да си збунет, бидејќи кога ќе се свртите наоколу веднаш заборавате дека сте во светска метропола. Ова е град , кој изобилува со паркови, има прекрасни зелени површини и патеки за велосипеди и пешаци. И сите уредно се паркирани, ги почитуваат зоните за паркирање. Нема споредба со  сообраќајните навики на лугет во Македонија  кои се паркираат каде и да е. Овде се е подредено на пешаците и велосипедистите, вели Ели.

Според неа за да се даде најубав опис на градот мора да се каже магијата во сите годишни времиња. Бидејќи секое годишно време го прави посебен.

– Ќе се обидам преку сезоните да ја доловам атмосферата, само така може вистински да се доживее.  Ако сакаш најубаво да го доживееш Вашингтон, тогаш најдобро време за посета е пролет. Не сум видела поубава пролет од пролетта овде . Вашингтон е познат по цветањето на јапонските диви  цреши.

Има илјадници дрвја  диви цреши што кога ќе се расцветаат градот е покриен со виолетови цветови. Навистина е прекрасно  и спектакуларно да се прошета низ парковите во ценатарот на Вашингтон кога цутат  дивите цреши. И големиот фестивал и парадата и се друго е во знакот на цутењето на  дивите цреши. Зимите се идилични иако можат да бидат многу лоши, со ниски температури и  големи наноси снег. Училиштата можат да бидат затворени за настава и по една недела. Температурите  се ниски и посебно станува тешко движењето кога ке падне леден дожд. Но, од друга страна, пак, станува идилично бидејки дрвата се покриени со прекрасни кристали иако треба да внимавате кога се движите и пешки и со кола.  Кога ќе известат дека ќе има снежна бура тоа значи дека треба да си обезбедите  храна  за неколку дена.  По снегот треба да се чека да се исчистат улиците од големите наноси на снег. За да биде побрзо во акцијата се уклучува целото семејство, секој чисти пред влезовите и патеките пред домовите. Понекогаш се потребни неколку дена се да се врати во нормала и да се оспособат патиштата за сообракај .

Ама и покрај тоа јас ја сакам зимата овде бидејки  е како бајка кога шеташ низ шумските предели. Навистина има посебна убавина .  Есента е исто  така прекрасна и многу е колоритна. Големите крошни на дрвјата стануваат покриени во есенски бои. И пак е идилично. Мене само  летото не ми е омилено годишно време во Вашингтон. Многу е топло и има голема влажност во  воздухот. Тоа е нешто на што не сме навикнати кај нас во Македонија и тешко се поднесува. Тогаш  за мене е иделано време да се замине во Македонија, вели Елеонора.

Селски идилични куќи среде метропола

Посебна приказна во овој град е архитектурата на куките, кои во споредба со останатиот дел на Америка се помали и многу симпатични ,бидејки луѓето го негуваат селскиот идиличен изглед на фасадите , дворовите и оградите. Ако кон тоа се додадат вервериците, дивите зајаци и птиците кои се чести гости во  дворовите, нормално е да личи како куќа на село а не во метропола.

-Куќите се многу скапи како и животот во Вашингтон, бидејќи за да купите кука ја плаќате локацијата .Колку сте повеќе одалечени од центарот цените се  повисоки, што е обратно од Македонија. Центарот е поврзан со периферијата со автобуси и метро и се е беспрекорно чисто  и удобно.  Во метрото можеш да ја почувствуваш секојдневната гужва ,но штом ке излезеш од него повторно се враќаш на природата , мирот и тишината, додава Младеновска.

Светот во мало

Вашингтон е град на амбасади и дипломатски претставништва од целиот  свет, и  нормално е да се сретнат луѓе од сите страни на светот.

-Ова особено ќе го почувствувате кога ќе го однесете детето на училиште. На вратата ќе ве пресретнат родители од сите краишта на светот.Така сваќате дека многу луге се како вас и не се чувствувате осамено. Во училиштата функционираат и се многу активни интернационалните клубови на мајки  кои се среќаваат многу често и набрзина ке станете дел од светот во мало. Лугето ги отвараат своите домови и ја споделуваат својата култура, традиција , храна, имам пријателки од кои научив како да ги готвам нивните омилени јадења и да учам дел од нивната култура , фолклор и традиција. Често се оргнизираат забави на кои навистина го имаш чувството дека овде навистина е светот во мало. Нашите домови стануваат мали амбасади во кои лугето носат и понесуваат дел од културата. Сите се заинтересирани да научат нешто ново и различно, па така почнувате да се чувствувате уникатно и посебно и да го вреднувате она  што го носите во себе како култура, музика, обочаи, кујна. Се создаваат големи пријателства .Јас овде ги запознав моите најдобри пријателки.  И во училиштата се живее во духот на мултикултурност па едно од поголемите збиднувања во училиштето на син ми Џејсон Александар е  интернационалниот фестивал на храна каде сите со гордост претставуваат дел од нивната традиција.  Убаво е што лугето се едноставни и практични, повекето работат преку неделата ,а викендот е најчесто посветен на семејството и прошетките во природа . Тогаш патеките и парковите се исполнуваат со луге кои уживаат во природата, патеките се полни со велосипедисти, а реката Патомак со кајакари, објаснува таа.

Уметност за сите возрасти

Според неа Вашингтон е град на музеи и сите се бесплатни, така да децата  и возрасните уживаат во откривање на многу аспекти од животот. Музеите се спектакуларни со поставки  кои одземаат здив.  Националната галерија за уметност е со постојани дела од светски познати  уметници, па за секој љубител на уметноста секоја недела има нешто што ке го воодушеви.

-Во Вашингтон и  се вратив на мојата голема љубов уметноста, бидејки го открив големиот центар за уметност сместен во прекрасниот парк Глен Еко во кој можете да запишете часови од што ке посакате-  акварел, керамика или сликарство, па дури и изработка на  стакло , работа со сребро, да запишете часови по балет и да учите од  уметник. Ако сакате да учите да свирите гитара  или сакате да учите танци вратата ви се отворени и никој не ве прашува за годините. Го следите распоредот и запишувате семестар кој нема да ве чини многу и ке работите со уметник-професор чија работа ви се допаѓа. Овде возраста не е важна. На секој му е дозволено да се занимава со тоа што го сака.  И никој не се интересира што другите мислат. Американците се луѓе што сакаат да ја следат својата желба и своите интереси и сакаат да ги живеат нивните сонови. Секој има респект за секого .  Луѓето се   индивидуалци , најчесто ке ги видите како шетаат сами со кучињата. Го  почитуваат вашето време и нема често и ненајавени да ви доаѓаат на гости , но  подготвени се секогаш да помогнат кога ви треба и имаат големо чувство за емпатија и разбирање за вас и вашиот живот. Нивната позитивност и добронамерност пленат на прв поглед и често ке ве поздрават на улица иако не ве познаваат. Во духот на мултикултутноста во Вашингтон можете да најдете секаков вид храна мексичка , виетнамска, боливиска, перуанска, суши рестораните ги има се повеке а лугето вистински имаат желба да пробаат и уживаат во различни видови  храна, објаснува Ели.

Култура на живеење

Кај нас се уште не е познато колку децении треба да поминат за да се научи културата на чување домашни миленичиња и воопшто на уличните животни. Но, таму, како што објснува Ели, посебен е односот кон нив.

-За разлика од кај нас во Вашингтон кучињата им се големи пријатели на луѓето и вистински се грижат за нив. Пред рестораните и продавниците често ќе видите тањири со храна и вода за кучињата минувачи. Ги носат на редовни лекарски прегледи и имаат модерно уредени клиники за домашните миленици и се поголем е бројот на хотели за престој на кучиња каде можете да го оставите миленичето додека сте на пат или одмор. Овие места стануваат се по модерно опремени со базени и соби со анимација. Сосема слободно може да се каже дека ги сметаат за членови на семејството. И ова неможе да се спореди со нашиот однос кон кучињата и чувството на одговорност кај нивните  сопственици.  Сосема сум сигурна дека би им било многу жал да им раскажам за состојбата на нашите улични кучиња , ама јас најчесто ја избегнувам оваа тема оти ми е срам, додава таа.

Белата кука

Лугето од Вашингтон се информирани за политиката , секој има свој став за политичката состојба, но нема впечаток дека тоа  им е многу честа тема на муабет.

-Си имаат свој став за политиката но нема да ги видите во никакава кавга или расправија доколку имате различен став од нивниот . Го почитуваат вашето мислење и нормално сакаат да го почитувате нивното. Лугето знаат да слушаат и внимаваат соговорникот да заврши па потоа да се надоврзат во муабетот, никој на никој не му упаѓа во збор. Секојдневието во трка по пари и секојдневни обврски многу често ни прави и да заборавиме на тоа дека на 15 минути возење сме одалечени од Белата Кука.  Обично ако некој дојде да не посети секако прва станица е Белата кука и фотографирање пред неа .  Таму секојдневно има луѓе што се фотографираат и луге и поединци што протестираат за нешто. Американците се луге што не се плашат да го кажат својот став па и да излезат да протестираат . Додека шетате низ центарот секогаш ке наидете на некоја помала или поголема група на луге кои со транспаренти се упатени кон Белата кука. Бидејки сте во градот на Белата кука секако дека е поголема можноста да го видите претседателот па и да се фотографирате со него. Претседателот Обама беше вистински пријателски расположен да  застане и да се фотографира со вас. Се разбира и ние е фотографиравме и ова  е една од омилените  фотографии во нашиот дом.