„Кон исток„ е новиот албум на мулти талентираната инструменталистка Бајса Арифовска и пејачот Душко Ѓеоргиевски, кое беше промовирано вчера во Музејот на македонската борба за државност и самостојност. На ова цеде се сместени 10 песни и ора претежно од источниот крај на Македонија, кои дел Бајса и Душко, заедно со тимот, во живо ги отсвиреа на промоцијата.
Албумот е дел од проектот „Од македонското поднебје“, а во рамките на „Скопско културно лето“ . Љубителите на традицијата може да уживаат во богатата фолклорна ризница на Малешевскиот регион, Овчеполието и Осоговијата. „Од македонското поднебје“ претставува избор на фолклорни мотиви, обработени, аранжирани, дел и новосоздадени за оркестар од народни инструменти во духот на изворната традиција.
Дел од тимот, Покрај Душко и Бајса, која свиреше на кавал, гајда, бас, тамбура и тапан, се и Емил Адамски на кавал и гајда, Даниел Маневски – кавал, Златко Димитријоски на тамбура, Ратко Даутовски на тапан. (В.М.)
Фото: В. Тануровски