Вечерва почнува „Егзит“: по 18 пат сите патишта водат во Нови Сад

На овогодинешното 18. по ред издание на „Егзит“ фестивалот што се случува во Нови Сад, поточно во Петроварадинската тврдина, се очекува максимална посетеност од 55.000 луѓе. Годинава фестивалот и официјално станува полнолетен а интересот, предвидливо е огромен. Од сите страни на светот младите луѓе максимално го подржуваат „Егзит-от“, а најбројните кампери се Бразилци, Кинези и Англичани.
На 40 бини преку 1000 изведувачи ќе ги анимираат посетителите се до понеделник, до кога трае фестивалот а меѓу артистите се спомнуваат- Сергеј Пулуњин, Зиги Марли, Грејс Џонс, Алис Мертон, Џакс Џонс, Офенбах, Махмут Орхан, Бурак Јетер и многу други.
Пред две години од страна на водечката европска туристичка организација „Европски најдобри дестинации“, „Егзит“ е прогласен за најдобар фестивал , пласирајќи се пред англискиот „Сејкрет гарден“ ( 2 место), белгискиот „Тумороуленд“ (3), па дури и фестивалските гиганти „Гластонбери“ и унгарскиот „Сигет“ кои се пласираа на 4, одн. 5. место.