„Жена за сто години“, една од песните од богатата музичка архива на Дарио, од вчера е „Жена за милијун година“ со малку изменет аранжман што го потпишува Кристијан Габровски, сместена во фантастичен видео запис, веќе ги поминува нашите граници.
„Песната е наменета за пазарот што го покрива Croatia records кои се моите промотери, вели Дарио, инаку авторот на композицијата, додавајќи дека е голем одзивот и во Црна Гора, Србија и Босна.
„Ме радува фактот што оваа вонвременска песна, во малку изменето руво веќе собира комплименти, а тоа понатаму ќе ја диктира музичката приказна во соседството. Очекувам добар фит-бек а во меѓувреме уживам во позитивната енергија. Спотот го правеше „Фабрика продукција“ а со мене е Вера Мештеровиќ во русокосо издание“- не информира Панковски.
Така треба да изгледа „жена за сто години“- доколку ја немате крај себе, уживајте во спотот.