„Да се живи и здрави младоженците“, нова песна на Јордан Митев

Љубеникот на сите генерации, нашиот пејач Јордан Митев, го преставува новиот музички проект, каде повторно се потпишува како комплетен автор.
„Да се живи и здрави младоженците“ е насловот на новата свадбарска песна на Митев, посветена на сите идни младоженци и љубители на македонската народна песна.
– Инспирацијата за создавање на оваа песна е од свадбата на мој близок другар, каде бев кум, минатата недела. Веднаш ја напишав и отпеав, бидејќи премногу верувам во неа. На нашите простори имаме навистина многу квалитетни свадбарски песни и искрено се надевам дека и оваа ќе стане хит и ќевлезе во ризницата на македонската народна музика, вели Јордан.
Свадбата е еден од најубавите моменти во животот на секој човек и секогаш преставува инспирација за добра песна, па се надеваме дека овој нов хит на Јордан ќе биде дел од многу идни веселби, а за истиот наскоро очекувајте и спот кој ќе се снима надвор од границите на нашата земја, како што и претходно беше најавено.

Би можело да ве интересира Повеќе од овој автор

Коментарите се затворени