Денеска се Цветници

Секоја година Цветници се празнуваат во различен ден, во зависност од тоа кога е Велигден. Но, правилото е една недела пред овој најголем христијански празник, да се одбележат Цветници.
Инаку, Цветоносна недела или Врбица го означуваат влегувањето на Исус во Ерусалим, а неговите следбеници со врбови гранки, дренки, разни цвеќиња, гранчиња од плами.., му го постилале патот. Народот раздрагано пеел: „Осана (слава) на синот Давидов.Благословен е оној кој доаѓа во името Господово. Слава на висините.“
Оваков срдчен пречек е поради големите дела на Исус, кои на луѓето им давале верба и надеж во животот и воскреснувањето. На Лазарева сабота на пример, тој го воскресна Лазар, и тоа уште еднаш потврди колку му служел на народот.
Празникот се слави уште од третиот век од Новата ера.
Еве кои се значењата на цвеќето, кое било постилано по патот по кој одел Исус, а понатаму, со кои се кителе девојките и децата: маргаритки се за убавина, дрен е за сила и здравје, темјанушка е за привлечност и скромност а гранчињата на врба означуваат напредок.

Фото:Pixabay

Би можело да ве интересира Повеќе од овој автор

Коментарите се затворени

error: Content is protected !!