Нашиот топ модел Елена Реи блесна и во новиот предизвик, каде се надмина себеси. Имено, таа беше ангажирана во каталогот за престижната американска дизајнерка Monique Lhullier. Иако препознатлива по нејзините раскошни венчаници оваа американска дизајнерка со филипинско потекло исто така дизајнира и свечени тоалети и ready- to -wear колекции.
Нашата Реи беше ангажирана два дена за потребите на каталогот и видео на езерото Комо во Италија, и беше на истото место кога се сликаа венчаниците за Харперс Базар за сите позначајно модни брендови.
Дизајнерката низ годините се потруди да облече голем број дами за свечени настани и престижни фестивали како што се Мишел Обама, Гвинет Потроу, Џенифер Лопез, Тејлор Свифт и Меланиа Трамп.
– Секако ова беше вистински камбек за нашиот топ модел заради наметнатата паузата предизвикана од епидемијата на Ковид 19, вели Алек Наумовски од Моделс Ин Менаџмент. – Погледнете ги фотографиите: Реи е родена да блеска.“