Од утре до недела Општина Карпош, по единсесетти пат, ќе ја организира традиционалната културна манифестација „Карпошово лето“, кое ќе се одржи на платото во ТЦ „Лептокарија“. И годинава граѓаните ќе имаат можност да уживаат во различна и богата програма наменета за сите генерации, а овој пат простор им се дава само на домашните изведувачи.
Манифестацијата почнува в петок со настап на на децата учесници на детскиот фестивал „Златно славејче“, потоа настап на Дарио, па настап на групата „Нон Стоп“ и за крај Кристина Арнаудова.
В сабота забавата ја отвораат најмладите со фамилијата на Петко 5+, по нив е Гуру Харе и пријателите и Игор Џамбазов, па Дани, Тања Тас, Дамир Имери – клавијатура, Трајче Велков – труба.
Недела прв е настапот на фолклорно студио „Етнос“, потоа е настапот на, „Чалгија саунд систем“ и за крај Златко Ориѓански и Бени Шаќири.
Тридневната културна манифестација ќе ја води познатиот актер, Сашко Коцев а карпошани ќе може да уживаат во звуците на македонската поп и рок музика, етно мелосот, како и во програмата наменета за најмладите генерации.