Потребно е: 5 кременадли, една главица кромид, пет чешни лук, една говедска коцка за супа, пола литри врела вода, 1 децилитар бело вино, масло, брашно, сол, бибер, ловоров лист.
Подготовка: Тргнете ги коските од кременадлите, измијте ги , истенчете ги со чекан, и зачинете г со сол и бибер. Прпелкајте ги во сад со брашно, па испржете ги додека не поруменат. Кога ќе ги испржите, ставете ги во огноотпорен сад, напрскајте ги со масло и преку нив ставете неколку ловорови ливчиња. Во тавата кај што сте ги пржеле кременадлите ставете го сецканиот кромид, лукот и 3-4 лажици брашно. Во пола литри врела вода разматете ја коцката за супа а тоа додадете го во тавата и малку промешајте додека да се згусне. Со ова прелијте ги кременадлите, додајте малку вино и поклопете го садот со фолија. Печете околу 45 минути на 180 степени. Пред крај тргнете ја фолијата и печете ги уште 10 минути.