Семејните прослави влеваат сигурност кај децата

Прославувањето на големите верски празници, особено Велигден, влијаат благотворно врз развојот на децата. Со оглед на тоа што се прославуваат во кругот на семејството, кај најмладите будат чувство на сигурност, поврзаност со најблиските и припадност. Овие моменти се драгоцени затоа што не се чести.
Прославувањето на празниците е важно и за негување на семејната традиција и всадување на тие вредности. Доколку со нив децата се запознаат од најмлада возраст, голема е веројатноста дека кога ќе пораснат, ќе продолжат да ја почитуваат семејната традиција и дека ќе им ја пренесат на своите потомци.