Секој човек има своја судбина, но понекогаш се случува да скршнеме од патот и да тргнеме во погрешна насока. Тогаш Универзумот ни притрчува на помош и ни помага да се вратиме на вистинскиот пат.

Универзумот се стреми животот да го живееме среќно, и постојано ни испраќа различни сигнали. Најважно е да почнеме да ги бараме. Запомнете, случајните работи не се случуваат. Ако одредена ситуација почне да ви се повторува, тоа е знак дека треба да застанете, да се обидете да ја дознаете причината зошто е тоа така и да ги поправите нештата.

Постојано доцните

Се во животот треба да се случува  непречено и кога балансот ќе се наруши Универзумот сигнализира дека нешто не е во ред. Постојано трчате некаде, но постојано доцните. Универзумот ви кажува дека сте преоптоварени и планирате многу нешта, кои не се во вашата моќ.  Заборавете на непотребните работи, сконцентрирајте се само на најважното и опуштете се.

Плушкинов синдром

Вашиот дом е пренатрупан со непотребни работи.  Тоа значи дека живеете во минатото и многу ви е тешко да се збогувате со него.  Време е да си го анализирате животот, да се сетите на навредите или луѓето на кои не можете да им простите и да си донесете заклучоци.

Често боледување

Ова е знак од Универзумот дека сте на погрешен пат. Преслушајте се, помислете на тоа каков живот живеете во моментот и каков би сакале да живеете. Особено е сомнително враќањето на истата болест. Со ова Универзумот ви кажува дека итно треба да го промените вашиот стил на живот,  работата, ставот кон себе си и кон другите, односите со партнерот или родителите, негативните мисли…

Здодевност

Здодевноста ви укажува дека веќе не гледате смисла на животот. Но, животот е полн со можности. Не треба да се откажете ако пред вас се затвори некоја врата, бидејќи ќе се отвори друга.  Од вас се бара само да ја најдете.

Постојана напнатост

Се ве прави нервозни и постојано сте вознемирени. Универзумот ви дава сигнал дека вашиот живот треба да се промени, дека премногу долго сте на едно место.  Откријте го изворот на стресот и отстранете го од вашиот живот. Пополнете го со нови луѓе, места и интереси.

Брзо прегорувате

На почетокот на патот сте полни со решителност, но штом ќе тргнете ќе изгубите желба да продолжите понатаму.  Ова е знак дека тоа не е вашиот пат.  И не треба да одите по него и да губите сила и енергија. Кога е нешто ваше, се ќе се случи со леснотија- од почеток до крај.

Ги губите работите

Сите работи ви се лизгаат од раце, кршите се што ќе допрете.  Долго тапкате на едно место и не можете да направите чекор. Но, не мислете на тоа и не барајте излез, само одете по течението.  Универзумот секогаш ќе ви посочи излез, кога ќе бидете подготвени за тоа.

Заборавате

Расеани сте и невнимателни, постојано заборавате или  губите нешто.  Универзумот ви кажува да престанете да живеете во облаци и да се сконцентрирате на важни нешта. Спуштете се на земја, формулирајте ги јасно своите цели и почнете да ги исполнувате.

Трауми

Дали постојано си ги удирате рацете, нозете, главата или прстите? Универзумот ви дава знак дека треба да го забавите темпото. Можно е да сте престанале да се слушате себе си и своите желби.  Сте станале многу површни и не ги забележувате важните нешта. Сконцентрирајте се, подредете ги задачите по важност и, почнете да ги решавате.

Извор: jenata.blitz.bg