Од седми до деветти септември во Кавадарци ќе се одржи традиционалниот „Тиквешки гроздобер“ . На програмата меѓу другите дневни активности, сите три вечери ќе има и богата музичка програма.
Првиот ден ќе има натпревар во правење коктели од вино, трка на келнери, ревијален ракометен натпревар со ветерни на ракометната репрезентација на Македонија а потоа на градскиот плоштад се концертите на SAF Sound system(DJ Гоце &Пикисипи) и DJ George и на крајот Слаткаристика и Криско.
Вториот ден ќе започне со изложба на олд тајмер возила, турнир во стрит баскет, мото рели, настап на фолклорниот ансамбл „Тиквеш“, концерти на „Некст тајм“, „Љубојна“ и Џамбо Агушеви и за крај настап на диџеите Sandy Rivera и Mossel .
Третиот ден, пак, покрај традиционалната берба на грозје ќе има големо карневалско дефиле низ улиците на градот, настап на бендот „Хепи енд“ и за крај е концертот на балканската ѕвезда Цеца.
Фото: alo.rs