Што вели Новак Ѓоковиќ за безглутенската исхрана
Светскиот ас, Новак Ѓоковиќ има посебен начин на исхрана: на својот Инстаграм профил често го раскажува менито- обожава супа со тестенини од хељда, пудинг со чија семе и банана, обожава мед, цимет, ѓумбир, мелено ленено семе, користи тестенина без глутен, многу зеленчук, семки, овошје…, и пие- млака вода. Се започна пред 8 години, кога Новак го исфрли лебот од исхраната а во својата книга „Сервирај за победа“ детално ги опиша своите искуства откако премина на безглутенската исхрана.
„Сaмо по неколку дена откако го исфрлив глутенот – протеин што го содржи пченицата, физички се почувствував многу подобро. Животот ми се смени затоа што почнав да јадам храна што му одговара на моето тело, онаква каква што бараше. Во првите три месеци со новата исхрана ја намалив тежината, па од 82 стигнав на 78 кг – семејството и пријателите се загрижија, велејќи дека сум многу слаб. Но, јас се чувствував посвежо, полн со енергија, како никогаш порано. Бев побрз, поеластичен, бев посилен од порано и концентрацијата ми беше нескршлива. Воопшто не се заморував ниту пак го губев здивот. Алергиите ми се повлекоа, астмата ја снема, повеќе не ме мачеа стравови и сомнежи, туку станав полн со самодоверба. Речиси ниту еднаш не добив потешка настинка“.
Неговите препораки во безглутенската исхрана се да се јаде колку што е можно помалку преработена храна, да се одбегнуваат производи во амбалажа и внимателно да се читаат етикетите. Да се консумира риба: туна, сардина, скуша, морски плодови. Зеленчук: лисестиот, цветен и стеблест, маслинки, мешунки, авокадо,.., жита и замени за пченица: киноа, хељда, интегрален ориз и овес, јаткасти плодови и семки, маслиново масло…
Покрај Ѓоковиќ, меѓу познатите кои го смениле својот начин на исхрана во безглутенска се и Ракел Велч, Расел Кроу, Гвинет Палтроу, Бил Клинтон …
Коментарите се затворени