На 27 ноември во хотелот „Александар палас“ во Скопје ќе се одржи регионалната конференција за жени „Профемина“.
Во рамките на оваа популарна конференцијата планирано е да се реализираат пет панели, на кои ќе се дискутира на различни теми во кои акцентот ќе биде ставен на убавината, негата, здравјето и на сe што е од исклучителна важност за припадничките на понежниот пол.
Прва специјална гостинка на годинешното издание на конференцијата за жени „Профемина“ ќе биде писателката, водителка, новинарка, уредничка и сценарист Весна Дедиќ. Родена е во Осјек, а живее и работи во Белград. Авторка е и уредничка на емисијата „Балканска улица“, која повеќе од 25 години се емитува на РТС, и е една од најгледаните емисии во регионот. Нејзиниот последен роман го носи името „Никад нисам“, кој е 11-от роман што го има објавено.
Присутните гости на „Профемина 2019“ во Скопје ќе ги почести уште една позната српска писателка и поранешна водителка и новинарка: Јелена Бачиќ – Алимпиќ, која важи за миленичка на регионалната публика. Родена е на 26 март 1969 година во Нови Сад, каде што живее заедно со сопругот Мирослав Алимпиќ, со кого има две деца, синот Марко и ќерката Дуња.
На 27 ноември во хотелот „Александар палас“ во Скопје доаѓа и српската пејачка Наташа Беквалац, новосадската барбика, која ја краси насловната страница на ноемвриското издание на магазинот „Убавина и здравје“.
Покрај овие познати дами од соседството, учество на конференцијата ќе земат и голем број на познати и еминентни имиња од домашната јавна сцена.
Конференцијата стартува во 10 часот наутро а сите наши заинтересирани читателки и поддржувачи на магазинот „Убавина и здравје“ можат да си го резервираат своето место на оваа престижна конференција со пријавувањето на мејл-адресата event@colormedia.com.mk
Потребно е да го напишете вашето име и презиме, како и името и презимето на пријателите со кои би сакале да дојдете и во живо да ги слушнете приказните на овие познати дами и да размените искуства со нив.
Тоа можете да го направите најдоцна до 25 ноември. Побрзајте, бројот на местата за седење, подароците и изненадувањата од нашите клиенти се ограничени.
