Музичарот Владимир Четкар на 20 овој месец ќе настапи на плажата „Бонанца“ во Охрид. Концертот ќе почне во 19 часот, а гледачите освен во музиката ќе можат да уживаат и во прекрасното охридско зајдисонце.
Владимир Четкар ќе настапи во секстет постава која ја сочинуваат Трајко Велков на труба, Борислав Веселинов на тенор саксофон, Филип Стевановски на тромбон, Ѓоле Максимовски на бас и Виктор Филиповски на тапани.
Карти за концертот ќе се продаваат по симболична цена од 200 денари во Охрид на плажата и ресторанот „Белведере“ во центар како и во Скопје во „Чув Де Чув“.
Фото: Миа Медаковиќ Топаловиќ