Елена Реи, Јована Нешова и Павле Николовски од „Моделс ИН“ се македонските топ- модели, чии ликови се искористени за реклами на светските брендови. Добро знаеме дека рекламата е мајсторијата и вештината на продавањето. Ги сакаме кога се умно смислени, кога не поттикнуваат на купување, имаат едукативна идеја… А кога „тоа нешто“ треба да ви го привлече убавиот лик, тогаш е јасно дека рекламирањето е вистински престиж за топ- моделите.
– Во модната индустрија манекените навистина сакаат да се главни ликови на постери и билборди – вели Алек Наумовски од „Моделс ИН“. „За спомнатите модели тоа се веќе остварени желби: Елена Реи и во моментов е актуелна со кампанјата за Cerruti 1881 и ја гледаме во сите главни европски центри. Покрај тоа, нејзиниот лик преку кампањата за накит, Belpearl, ги красеше саемите во Копенхаген, Џакарта…
Јована Нешова исто така е интернационален модел веќе три години а неодамна беше во центарот на вниманието со нејзината кампања за козметичката куќа Bleunit, и го разубавуваше центарот на Шангај и Пекинг.
И, секако машкиот интернационален модел кој има привилигија да им прави друштво на двете дами е Павле Николовски, кој пред само два месеци беше заштитно лице на брендот Barbosa и неговиот впечатлив лик го преплави Балканот.
Алек е менаџер и букер на тројцата топ- модели и тој вели дека агенцијата има уште неколку впечатливи ликови пред кои светот ќе падне на колена и додава: „Горд сум на Елена, Јована и Павле, тие се вистински репер за успешни топ- модели.“