Ниту за една историска личност не се напишани толку новинарски текстови, студии, фељтони и книги колку за единствен доживотен претседател на бившата Југославија – Јосип Броз Тито. И како што поминува времето – на 4 мај, дента кога почина Тито, се сеќаваме на овој голем човек, на познати и непознати периоди од тоа време.
Фотографиите му беа најголемата страст на Тито и на нив тој забележувал дел од својата интима – велат дека во слободно време не се делел од апаратот и дека имал фотографски талент. Иако важел за најголемиот заводник на нашите народи и народности, најмногу ја фотографирал Јованка.
Всушност, фотографиите се важен документ на времето и ја покажуваат приватната страна на Тито што никогаш не беше наметната од пропаганда.
Тито ги имаше најдобрите фотоапарати на тоа време „Никон“, „Практика“, „Хаселбалд“. Своите снимки ги развиваше сам или со помош на пријателот Иво Етеровиќ.
Фото- Принтскрин јутјуб- Филмске новости
