Во недела (6 јуни) во Еден на еден: Време за Мрме, Пандев, Алиоски и Елмас

Оваа недела ќе видиме дел од репрезентативците и слекторот Игор Ангеловски Мрме во најновата епизода Еден на еден, единственото големо интервју на дел од хероите што не однесоа на Европско првенство. Мрме, Пандев, Алиоски и Елмас ќе зборуваат со Жаре за тоа што значи за нив, но и за Македонија овој историски пласман на нашата репрезентација, како се подготвуваат, и ментално и физички, пред големите настапи што им претстојат, а ќе падне и прогноза за резултатот што ќе го оствариме.
Најинтересно е што по крајот на снимањето на интервјуто, Жаре извади фудбалска топка на која сите се потпишаа. По емисијата, Жаре ќе му ја подари на некој од гледачите на Еден на еден. За да дознаете како можете да ја добиете топката со автограми на хероите на македонската репрезентација, ќе треба да ја погледнете емисијата во недела, на Канал 5 во 18:30 часот.