За мусот е потребно: 300мл. слатка павлака, 100 гр.растопено бело чоколадо, 1/2 пакетче желатин и 2 лажици од сорбетот (150 гр. малини се варат на оган со 2 лажици шеќер и малку вода, а потоа смесата се замрзнува).
Се матат состојките а потоа калапчињата се полнат со мусот. Во средината се става едно помало делче од замрзнатиот малина сос.
Потоа се ставаат во фрижидер, за да се стегнат. Глетката е уште поубава кога одозгора ќе се прелијат со чоколадо, глазура…
Мусот се сервира со малини, ливчиња свежо нане и одлично оди со бело суво вино.
