Васил Гарванлиев победи на светскиот реномиран фестивал „World Folk Vision“

Global Culture Initiative денес ја објави листата со победници на фестивалот „World Folk Vision 2020“. Во категоријата за најдобра песна, победник е нашиот овогодишен преставник на Евровизија – Васил Гарванлиев и песната „Ѓердан“.
На овој глобален фестивал учествуваа над 4000 реномирани уметници од пет континенти, а гласањето траеше еден месец и воедно беа вклучени 44 члена на професионалното жири од повеќе земји од светот.
Организаторите известија дека над 26 милиони гласачи од 150 земји одлучиле за победниците во три категории: инструменти, глас и танц, кои оваа година поради новонастанатата ситуација со Ковид19 се одвиваше на нивната онлајн платформа.
-Сеуште не ми се верува- вели Васил споделувајќи ги првите впечатоци со нас. „Чест ми е што ја претставував Македонија на ваков светски реномиран фестивал, а особено сум среќен што одлучивме да учествувам токму со „Ѓердан“ – песната која ја посветив на нашата тактовина и која ме врати назад во моето родно место. Наградата ја посветувам на сите што веруваа во мене, на мојата земја и на сите уметници кои творат и не се откажуваат од својот сон дури и во вакво време.“
Песната „Ѓердан“ беше објавена во септември 2018, музиката е на Саша Драгиќ, текстот е на Весна Малинова а аранжманот го потпишува Диран Тавитијан.


Ова е историски момент за македонската музичка сцена и прва голема победа на Васил на интернационално ниво. Васил ќе настапи на Гранд- финалето, кое ќе се одржи од 1-7 ноември годинава во Катар

Би можело да ве интересира Повеќе од овој автор

Коментарите се затворени

error: Content is protected !!