Оваа недела (14 мај), точно напладне, во 12 часот, во градскиот парк во Богданци ќе се случува Фестивалот на диви смокви во организација на Slow Food Еко Росалес. Дојдете и вкусете го најдоброто слатко од диви смокви, дојдете да ги чуете приказните на малите производители, да се дружите.
Инаку, слатко од диви смокви е прв президиум на Слоу Фуд Македонија кој се промовира низ маркетите и саемите за здравa храна во Италија, Франција, Швајцарија, Бугарија, Турција, Хрватска, Босна и Херцеговина, Албанија и Романија…
Фестивалот што ги слави смоквите во своите активности на сите посетители им најавува интересен предизвик, да се види целиот процес на варење, дегустација , разменување на рецепти, искуства и посета на многубројни штандови на производителите на Слоу Фуд Македонија.

Во програмата се вклучени следните изведувачи:
12:00 Отворање на фествалот
12:15 Пензионери пеачка група
12:30 З.К.У.Д „Бранд Петрушев“
12:45 Слободанка Арнаудова
13:00 Фониа
13:15 Марија Ичкова
13:30 Ице Горичев
13:45 Валери Заров
14:00 Здравко, Ристо-Тарабан и Милош
14:15 Ф.А „Мегдан“

Дојдете да откриете какво богатство слатко од диви смокви.