Фолк легендата Ефто Пупиноски заминува на турнеја низ Австралија. Тој заминува заедно со битолската група„ Милениум“. Организатор на турнејата е Македонското младинско друштво „Никола Карев“ од Мелбурн.
Ова е уште една можност во живо да се слушнат неговите безвременски хитови „Туѓа си бескрајно“, „Зоро моја Зорице“, „Лихнида кајче веслаше“, „Тинке, Катинке“, „Ти ми беше прва пролет“, „Сакам да ти влезам во срцето“ и други.
Турнејата започнува Волонгог, каде ќе одржат концерти на петти октомври. На шести и 12 октомври се во Сиднеј, во Мелбурн ќе одржат два концерти и тоа на 13 октомври во „Фераро рецепшн“ на 19 октомври во „Емералд рецепшн“. На 20 октомври ќе одржат концерт во Аделаид, на 26 се во Џилонг и на 27 октомври е последниот концерт, кој ќе се одржи во Перт. (В.М.)