Лоренс Оер блесна во Кан, во креацијата на Лидија Георгиева

Бившата амбасадорка на Франција, Лоренс Оер, за црвениот килим на Канскиот фестивал носеше креација од нашата Лидија Георгиева.

Всушност, автентичниот, фустан со име и презиме е дел од ревијата која се случи во ноември, со која нашата модна дизајнерка прослави 20 години од брендот LG .
– Минатата година Лоренс дојде специјално за прославата и се врати во Париз со фустанот, вели Лидија.

– Дизајнот има комплицирана конструкција на која работев доста време, размислував и се навраќав, оставав време, формата да ме води низ процесот. Беше навистина емотивен и технички предизвик, со доста детали и рачна изработка. Фустанот е изработен од деликатно ткаена тенка волна, во прскано сив тон.

Драго ми е што емоцијата успеа веднаш да допре до публиката. Можеби ќе ве интересира фактот што самиот материјал неколку месеци го возев во мојот автомобил, колекцијата се вика „Милион миљи време“, и сите дизајни имаат патувачка приказна…“

В.Тодоровска

Фото-Bertrand Soubrier

 

Би можело да ве интересира Повеќе од овој автор

Коментарите се затворени