Ристе Тушевски стана советник за култура на Градоначалникот на Валандово, Перо Костадинов

Музичарот Ристе Тушевски, познат како виртуоз на хармоника, стана советник за култура на градоначалникот на Валандово, Перо Костадинов. Приоритетот на Тушевски, како што не информира е воздигнување на валандовската култура и секако, фолк фест „Валандово“.
– Моето родно Валандово е корен на новосоздадената песна, а јас како советник ќе ги негувам тие валандовски традиции, ќе ги обработам и пласирам, сакам надалеку да се чуе за нашиот убав и распеан град. Ќе градиме нови балкански патишта во музиката а валандовската култура ќе ја збогатиме со нови стилови и нови фолк елементи- ни изјави новиот советник за култура, Ристе Тушевски.