Со храна против алергии

Кивање, шмркање и други нарушувања се карактеристика на пролетните алергии. За среќа, со помош на храната можете да го зајакнете организмот и да ги ублажите овие непријатни симптоми.
Брокула, зелка и карфиол
Брокулата, зелката и карфиолот помагаат во отпуштање на синусите, а изобилуваат и со витамин Ц, кој се смета за чувар на доброто здравје. Истражувачите открија дека 500 мг витамин Ц дневно може да ги ублажи симптомите на алергија. Во 100 г брокула се наоѓаат дури 90 мг од тој вреден витамин, па секако вреди да се вброи во менито.
Зелен лисест зеленчук
Кељ, праз, зелена салата, блитва и спанаќ изобилуваат со фитонутриенти, а особено каротеноиди кои го зајакнуваат имунитетот. Освен намирниците, консумирајте ја и водата во која се вареле, како база за подготовка на друга храна и на тој начин дополнително зајакнете го својот организам пред сезонските настинки и алергии.


Кромид и лук
Белиот и црвениот кромид се богат извор на биофлавонидот кверцетин кој дејствува како природен антихистаминик, односно лек за алергии. Јадете го во природен облик, а може да се послужите и со суплементи.
Целер
Целерот е намирница богата со витамин Ц, кој ги ублажува воспалителните процеси во телото, а освен што е одличен сојузник против алергии, ги намалува крвниот притисок и хроничните болки. Без оглед дали го преферирате сварен или суров, целерот не ги губи своите волшебни својства со термичката обработка.

Би можело да ве интересира Повеќе од овој автор

Коментарите се затворени

error: Content is protected !!