Шеф Горан Филипов од Кавадарци, годинава за првпат беше дел од надалеку прочуена Сланинијада во јужнобанатско село Качарево. На покана од македонското друштво Вардар -Качарево, тој беше почесен гостин, со улога на судија.
-Бев пријатно изненаден од поканата – раскажува Горан – а во натпреварувачкиот дел бев претставен како врвен готвач. Ова беше прекрасно искуство, многу силна конкуренција, интересни категории а на крај сепак победи најдобрата, Гордана Николовска, која мажејќи се долги години живее во Качарево.