По пауза од скоро година и пол од музичката сцена, нашата пеачка и доктор дерматолог, Симона Поповска има нов сингл.
Причини за оваа пауза се остварувањето на Симона како мајка и раѓањето на синот Никола. Тоа е едно слатко бебенце кое многу личи на убавата мама Симона.
Симона е добар женски вокал: до пред некоја година позната и како член на единственото денс дуо кај нас Саунд Месинџерс, заедно со Дј Ерик Фокс, беа доста актуелни со настапи по клубовите низ земјава па и надвор од неа. И овој пат со заедничка соработка, Симона и Ерик повторно ни подготвија убаво музичко изненадување.
Се работи за нејзиниот нов сингл со наслов „Feel so good“. Музиката е на Ерик Фокс и Рената Кралевска со текст на Рената Кралевска, во продукција на Ерик Фокс. Песната наскоро ќе се најде и на сите познати музички платформи како Spotify, Аppstore и тн..
Музичкото лирикс видео го изработи Зоран Зонде Стојановски.
Симона најавува уште неколку песни на македонски, а некои и на англиски јазик. Ова значи дека Симона најавува враќање на музичката сцена и нејзините настапи по локалите и клубовите.