Штотуку е пуштен новиот сингл на младиот и талентиран рапер Мартин Каранаков, алијас М!, насловен со „Има назад“. Станува збор за рап песна со певлив рефрен, „прочистен“ текст, без вулгарности бидејќи главниот лик е урбано момче што претендира на автентичност, идентитет и добра иднина.
Текстот за песната го напиша самиот Мартин, а музиката, аранжманот и продукцијата ги изработи Александар Масевски.
Инаку М! е средношколец од гимназијата „Орце Николов“ од Скопје, игра кошарка за Работнички и тукушто стана полнолетен.
Во графата – што слуша, пишува хип-хоп бидејќи го сака од кога знае за себе, а омилен стил му е Boom Bap-от и артистите Joey Bada$$, Nas, Biggie, Mobb Deep и 50 Cent.
М! редовно пишува текстови а блиската иднина ќе му биде во знак на уште многу музички остварувања.
„Има назад“ доби и интересно lyric видео во режија на Мартин Чичовски.