На 12 септември на „Skopje Calling“ – Foltin, Last Expediton, Pluto’s Doubts

Петтото јубилејно издание на SKOPJE CALLING Festival ќе се одржи на 12-ти септември на Стадионот на АРМ– open air, со настапи на пионерите и младите сили на домашната музичка сцена.
На SKOPJE CALLING 2020, MACEDONIA’S FINEST EDITION годинава ги имаме: Foltin, Last Expediton, Pluto’s Doubts и surprise act.
Pluto’s Doubts се тука да ни ја пренесат новата шармантна скопска авангарда, Last Expedition да ни покажат на што работеле за време на долгогодишната музичка пауза и да не’ потсетат што значи да се биде ,,добрата стара школа”, а FOLTIN, со Late Night Cabaret Performance да ни покажат, барем на час и половина, како е да се живее младешки без обѕир, раскошно, блудно и некомерцијално. За крај, објектот на изненадување е една млада, експлозивна, препознатлива фела која е истовремено и дефинитивен домашен лидер на live сцената.
Влезниците можат да се набават на avalon.mk, како и во Avalon Music & Ticket store во ГТЦ.
Се разбира дека и овој настан, исто како претходните, ќе биде реализиран според сите утврдени и одобрени протоколи од Министерството за здравство и Комисијата за заразни болести.