По првиот сингл „Круг” кој, следејќи ги коментарите на публиката, помина фантастично, нашиот композитор Никола Мицевски, го промовира и својот втор сингл „ТИМЕ”, дел од неговиот албум „NEW ERA”.
Гитаристот Дамјан Пејчиноски е специјален гостин на овој проект а видеото го изработи Даниел Јовески.
-„Time“ е инструментална композиција во синематик/ етно/рок/симфони правец, или популарно кажано- во World music правец, со призвук на филмска музика, вели Никола. – Тоа е сублимација на моето досегашно музичко знаење и искуство, музика преку која сакам да допрам до што поголем број на слушатели, која може да се слуша секаде во светот а притоа, знакот на распознавање да е духот на македонската музика. Среќен сум што соработував со Дамјан Пејчиноски, гитарист од светска класа кој со својата изведба даде една друга димензија на мојата музика а Даниел Јовески повторно направи визуелно ремек видео со кое автентично и перфектно ја илустрираше мојата музика.“
Браво Никола. Сега зборот го има твојата публика.