Порака до сите луѓе на планетата, во баладата натопена со емоции „Сплотеност, љубов и мир“ е семеен ангажман на Маротови. Патем, песната беше еден од кандидадите за Евровизија, но, не помина на конкурсот и сега го следи својот пат: полека но сигурно допира до слушателите и бескопромисно ги брани адутите врзани за човечноста и припаѓањето. Ја изведува квартетот „Four M“, по нашки: 4 М, каде членуваат Баже, Јуле, Лена и Бојан Маротови.
– Песната настана по иницијатива на Цане Трајчевски, кој сакаше да учествувам како кантавтор на конкурсот за Еуросонг 2022- ни раскажа Баже. – Ме праша за каква тема би сакал да правам музика и аранжман. Имав желба да се пее за сплотеноста на луѓето во светот, за поврзаноста и многу бргу Цане направи текст. На тоа се надоврза идеа, дека и темата е таква, да ја отпееме ние четворицата… Смислено сторено. Јуле, Лена и Бојан ја слушнаа песната, им се допадна и бргу, и покрај тоа што Бојан беше болен, ја снимивме… Се наредија коцките а пораката на крајот на песната „љубов и мир“ ја испрати малиот Габриел.
Стиховите ги прати и видео записот: спотот е дело на продукцијата „Валови“ каде работиме јас и Лена. Од моментот кога ја испеавме, песната веќе патува и навистина шири љубов- заврши Баже.
„4 М“ верува дека ќе допрат до сите кои во себе носат љубов, до луѓето црни, бели, жолти.., од целиот Универзум..