Стефан Величковски подготви нова стратегија : Стартот е новата песна за Денот на виното и љубовта

Македонскиот пејач кој своеволно го напушти најгледаното регионално музичко шоу „Ѕвездите на Гранд“, Стефан Величковски, активно работи на нов авторски материјал со кој ќе ги израдува своите обожаватели.
Имено, Стефан веќе сними нова песна насловена како „Остани со мене“, на авторскиот тим – Александар Тарабунов (музика), Ванчо Тарабунов (текст) и Драган Ристовски (аранжман), а деновиве ќе се снима и видеозапис.
– Многуте настапи, а до пред месец дена и учеството во „Ѕвездите на Гранд“ не ми оставаа слободно време за да се посветам на авторска музика и видеозаписи, но, еве го вистинско време за тоа. Новата песна и видеозаписот ќе ја објавам на 14-ти февруари, на Денот на виното и љубовта, најавува Величковски.