Преку „Joyride“ на Четкар, светот ќе го види Охрид

Готово, „скоцкано“ е најновото музичко видео на Владимир Четкар за авторската композиција „Joyride“. Прекрасни предели од Охрид го красат видео записот што е потпишан од Борче Димовски, што е извонредна можност светот да го види нашиот бисер.
Песната е снимана вo њујоршките студија The Bunker Studio и Cowboy Technical Services а мастерингот е работен во Лондон во Carvery Mastering.
Инаку, инструменталната тема „Joyride“ ќе биде дел од третиот студиски албум на Владимир Четкар кој во март ќе биде издаден од страна на P-Vine, една од најпознатите Јапонски и светски музички куќи.