Музиката навистина го оплеменува живеењето а Don`t You Get It е новата, современа балада на Сања Лефкова, потпишана од Александар Масевски. Музиката, текстот и продукцијата се создаваа во студиото на Масевски, во периодот кога Сања беше во Скопје. Имено, пејачката веќе подолг период живее во Германија, а песна на англиски беше нејзината дамнешна желба.
– Со Сања снимивме три песни, а работата околу креирањето на композициите таа целосно ми ја довери, вели Масевски. – Соработувавме и пред да замине од Македонија, и го познавам вокалот, сензибилитетот, Сања има специфичен глас, како никој во Македонија и тоа навистина ја прави посебна.“
Затоа и песната е посебна. Патем, Сања си го оствари сонот да пее на англиски, а богами и ние, бидејќи навистина звучи светски.
Слушнете ја на каналот youtube, и посакајте и среќа.
