„Vigorous“ е насловот на петта по ред самостојна изложба на младата уметница Моника Ризовска.
Станува збор за 40 слики во комбинирана техника од масло на платно и акрил, изложени во Концепт 37.
„Vigorous“ е сублимат на секојдневието, инспирацијата што уметницата ја наоѓа во животот, чувствувајќи го акцентот на вибрантна, енергична свежина и спокој, и сето тоа преку тиркизните и жолтите бои, додека некои од сликите имаа и дополнителна функционалност со внатрешна амбиентална светлина.
Изложбата „Vigorous“ на Моника ни даде можност да се запознаеме со новите дела на уметницата која со изразита креативна енергија го долови колоритот совршен за секој модерен и современ дом.
Изложбата е отворена до 7 февруари.
