Фотографиите од шестото издание на „Гастромак 2022“, забележани работни часови, запознавањето на храна и локалните специјалитети, понекоја голтка од најдобрите македонски вина.., се пред вас а тие ги имаат впиено емоциите од овој проширен гастрономски тим.
„Гастромак“ ја исполни својата цел: со гостите- етаблираните готвачки имиња од екс -ју простори: Стево Карапанџа, Исток Легат, Жељко Невен Бремец, Томаж Возељ, Драгица Лукин, Ѓорѓе Костиќ и Вуко Митровиќ, преку нивните предавањата и мастер класови во средното угостителско училиште во Штип- „Коле Нехтенин“ и со одличниот тим и средношколците од „Наум Наумовски Борче“ во Крушево, а потоа потпомогнати од домашните сили: шеф Никола Мишковски, шеф Горан Филипов и готвачот Блажо Ресавски, ја правеа прочуената чорба од тиквешки сом, ја посетија фабриката „Кожувчанка“, имаа средба со Градоначалникот на Кавадарци- Митко Јанчев, и престојуваа во преубавиот мотел „Моклиште“.., со што се создадоа спомени кои ќе бидат инспиративен пат до следното издание на „Гастромак“.
За паметење е и гала- вечерата во гламурозниот Austrian Palace Hotel, кои беа тука и за „добредојде“ и за „догледање“ па последниот ден приредија и ручек за гостите и секако големите пријатели на Гастромак, винаријата и ресторанот „Камник“ кои по дегустацијата на нивните фантастични вина со Наталија Кузмановска, ја промовираа и својата вкусна кујна.
Се гледаме во 2023!
Вања Тодоровска


„Austrian Palace“

„Камник“

Средното угостителско училиште во Штип- „Коле Нехтенин“

Средношколците од „Наум Наумовски Борче“ во Крушево

Фабрика „Кожувчанка“

Винарија „Кралица Марија“

Винарија „Попова кула“

Приготвување на сос од „Вранец“

Чорба од тиквешки сом

Стево Карапанџа и Бесим Латифи од New Albis

Градоначалникот на Кавадарци, г-дин Митко Јанчев

Домаќини и гости од „Моклиште“

Најубавото за крај- колачите Della Nonna