Browsing Category

Дом и семејство

Мојата кујна. Безгрижен леб

Овој леб не се меси, затоа и го нареков безгрижен. Можеби и не е леб туку погача, не е важно. Најважно е што е како магнет- го правите еднаш и потоа ви станува неделен ритуал. И повторно, се е од око- ги мешам „сите“ брашна што ќе ги најдам дома, најчесто се тоа пченично и хељдино, понекогаш имам и пченкарно, додавам едно изматено јајце, малку сол и шеќер, сув квасец од кесичка и лажица, две павлака. Сетоа тоа го мешам со негазирана флаширана вода а тестото треба да наликува на густа, најгуста смеса за палачинки. Додавам и…

Мојата кујна. Сармички со блитва

- Зошто со блитва, повообичаено е сармичките да се со штавељ, или винова лоза?- ме прашува една другарка. - Едноставно е, велам, - на безбеден терен си со блитва, листовите се поголеми, „покомотни“ и многу е полесно да се виткаат сарми. Еве како јас правам сарми во „зелен костум“. Првин одбирам неколку китки блитва, пожелно е да имаат убава светло зелена боја, така знам дека е млада и дека лесно ќе се витка. Додека го правам филот- пропржувам младо кромитче, мелено месо, ориз, зачинувам.., ги потопувам листовите во млака,…

Мојата кујна. Смилевски комат

Месењето ме опушта. Тоа е мојот ритуал што ми носи среќа а реално гледано, кога ќе влезам во „филмот на питите“ јас ги усреќувам сите околу мене. Звучи самобендисано, но скромноста: другите да забележат и пофалат, ја оствив во претходниот живот. Значи, време е за комат и тоа смилевски, затоа што го вкусив во моето најубаво Смилево и затоа што ми асоцира на безгрижноста. Го правам коматот од око, ништо не мерам а базата ми е брашно, вода, сол, квасец, ронка шеќер и прашок за печиво. Најважно е тестото да биде меко. Ги мешам…

Мојата кујна. Ќофтиња со тиквици

Што се не се изнаслушав за тиквици: не се калорични а се вкусни, плус се корисни до бескрај: ги имаат витамините А, Ц, К, имаат магнезиум, добри се за срце, за очи, милина да ги јадеш. Затоа ги правам овие ќофтиња, без грижа на совест. Процедурата е следна. Се рендаат неколку тиквици а јас, за да ми биде пошарено додавам и рендани моркови, посолувам и чекам неколку минути, да ги исцедам убаво- така обликувањето е полесно. Во овие ќофтиња додавам лажица брашно, лажица презла, сечкан лук (многу) и јајце, за да ја врзе смесата.…

Мојата кујна. Палента со спанаќ

Предлог за убава, лесна вечера е палента со спанаќ што се приготвува многу лесно а е превкусна. Постапката е следна: во зовриена солена вода со две чешниња лук, капнувате малку масло и додавете еден филџан спанаќ. По неколку минути, постепено ставате палента, мешајќи се додека смесата не стане мазна. Процедурата е стандардна, но бидете внимавателни да не се изгорите. Кога ќе се згусне, палентата е готова, испарува и мириса предизвикувачки. „Фајнл тач“ е наросување со пармезан и насмевка. Уживајте. Текст и фото: Вања…

Мојата кујна. Салата нова „мимоза“

Оваа салата што асоцира на варени јајца, за денес ви ја препорачувам во малку поинаков состав. Здрава е и вкусна, таман за овој период од годината. Во салатата освен марула, додадете сечкана зелка, рукола и спанаќ. Посолете, додадете маслиново масло и лимонов сок. Пред да измешате, додадете јајца и испечени семки од сончоглед. Сега измешајте и уживајте во нова мимоза!

За пролетно освежување: Салата со рукола, нане и анасон

Излупете и исечете на тркалца две тврдо варени јајца. Околу 300 г анасон варете 10 минути во солена вода, а потоа процедете. Исечкајте зелена салата, додадете рукола и краставица и добро измешајте (заедно со анасонот и јајцата). Направете прелив со три лажици сок од лимон, 2 лажици сечкано свежо нане, 1 лажица мед, кисело млеко, сол и црн пипер. фото-pexels

Здрава салата со глуварче

Листовите на младо глуварче треба да се измијат и посолат, да се зачинат со јаболков оцет, сончогледово и масло од тиква. Многу е важно листовите на глуварчето да се свежи и набрани пред билката да процути, зашто во спротивно ќе бидат горчливи. На салатата може да и се додаде варен компир и пржен сусам. фото-pexels

Лековитата коприва: Салата и чорба за зајакнување

Оваа билка содржи многу витамини и минерали: Ц и Б2, каротин, железо, калциум и фосфор, но и покрај тоа што е достапна преку целата година најдобро е да се користат младите врвчиња кои се берат напролет. Копривата се препорачува на анемични лица и на оние кои страдаат од реума. Освен што е лековита, од младата коприва може да се подготват и вкусни чорби, салати и варива. Чорба од коприви Околу 200 г млада коприва се потопува во солена вода и нежно се пасира (водата се менува 2 пати). На малку путер се пропржува ситно сечкан…

Мафини со пченкарно брашно

Смесата за мафини е слична на смесата за палачинки, само што наместо пченично се става и пченкарно брашно. По еден филџан брашно и млеко (или јогурт), малку масло, малку негазирана вода, прашок за печиво, сол и 2 јајца смешајте во подлабок сад. Додадете и половина филџан пченично брашно, промешајте и почекајте 10-тина минути за да смесата убаво се соедини. Сега налевајте во калапчиња за мафини, и за да бидат полични, наросете со сусам, афион и ленено семе. Печете 15-тина минути а потоа преселете во хартиени кошнички.…
error: Content is protected !!