Пејачката Татијана сама за годишнина од брак
Фолк пејачката Татијана Стефановска за шест годишнината од брак со сопругот Митко Бежаноски остана сама. Место годишнината од брак со Митко да ја прослават на романтична вечера со свеќи и цвеќе, тие беа разделени. Причина за тоа е професијата. И двајцата беа зафатени со настап на различни места.
-Ова не е прв пат јас и Митко да бидеме разделени за важни датуми од нашата љубов, брак па и живот. Вчера ни беше шест годишнина од венчавање, се венчавме на Плаошник, а во петок ни е годишнина од свадба. Ниту вчера можевме да прославиме, ниту, пак, во петок. И двајцата сме веќе со одамна договорени настапи. Колку ида е тешко мора да се издржи. И двајцата сме свесни за обврските во нашата професија, јас како пејач а тој како музичар. Ние и родендените ги славиме посебно. Јас сум родена во јануари а тој веќе редовно во тој месец е заминат на новогодишна турнеја. За дочекот на Новата Година да не зборувам. Ретки се моментите кога за најлудата ноќ настапуваме заедно. Така е и за 8. Март. Нашите заеднички моменти ги планираме меѓу обврските. Кога ќе успееме да украдеме неколку дена меѓу настапите, како што го направивме и пред десетина дена. Имавме простор и бевме на кус одмор во Грција, вели Татијана.
И покрај професионалните активности, кои придонесуваат за нивната честа разделба, тие се презадоволни од нивните шест години брак.
-Среќни сме во бракот. А јас имам среќа што покрај себе имам човек кој ме разбира и во професијата и во секојдневниот живот. Митко е покрај мене, односно заедно сме во сите пријатни и непријатни моменти кои ни ги сервира животот. Заедно пребродуваме се, додава пејачката. (В.М.)